"Pate Ni" hong tungkik ta (Fathers' Day)

Pate ni tawh kitawn in tuni in Panei lai te in Pate tungah thupha ih dawh ding kisam mahmah hi.
Nu leh Pa ih cih pen I Leitung Pasian, thupha hongpia thei, hong samsia thei, Nu le Pa hi a, Na Pa na khasia sak hiam? Alungkimna ding in thupha na bawl hiam? Tuni in Napa thumang lo in nisim nungta in amah hongsawl loh lamlam, hong deihsak lo lamlam sem in na omkha hiam? Tuni in Mawhmai na ngei in la Napa lungkim sak in.

Na Pa khualgam la ah om a hih leh hopih inla Pa aw hong it ing. Kamawhna hong maisak in cinin. Alungkimna dingin thupha bawl in na itna lakkhia in, Kamtawh maw, natawh maw, Na pa na itna lak khia in. Na pa lungkim in thupha hong pia leh leitung ah na dau pai ding hi.

Joseph Nuntakna en a Pa lungkim sak ahih manin thupha ngah hi. LST sung ah ih muh mah bangin A PA bang mah hilo zumkham in aom lai takin atangguak in om ahih manin nuihsan in, zahpih in, a ompa Kisam sia a, Itna leh deihsakn atawh puan avasin te thupha ngah uh hi.
Tuni in Christian ih hihna sung ah LST ih et takciangin Pathu mang te Anah lawhpek na ih mu hi. Tampi om in genzo kei ni tuni in Napa tung ah thupha dawh in, lungkimsak in tua hi leh thupha na ngah ding hi

By siam 
Source :http://www.zomidaily.com

The Author

C Jambiakmuan is a Delhi based young and dynamic blogger from Zogam